Velkomen til Valdres Forsvarsforening (stifta 4. november 1969)

Valdres Forsvarsforening er eit partipolitisk uavhengig lokallag for Valdres-regionen innunder paraplyen til Norges Forsvarsforening. Me har som målsetjing å styrke forsvarsvilja og eigenberedskapen til innbyggarane i Valdres. Pr september 2025 har me 34 medlemmer, og dette utgjer ein økning på 127% i medlemsmassa sidan årsmøte 2022! Me ynskjer oss enno fleire nye medlemmer!

Du er hjarteleg velkomen til å kontakte Valdres Forsvarsforening direkte: Styreleiar Per Kristen Skaran, eAdresse; skaranperkristen@gmail.com eller mob; 478 30 510. Styremedlemmer: Sjå info frå sist årsmøte.

HAUST- OG VINTERPROGRAM I VALDRES FORSVARFORENING

Utover vinteren vil det bli tilbud om webinarer for medlemene og andre inviterte på Frivilligsentralen. Vil kome invitasjon for kvart tema.

30. oktober

(link til artikkelen i avisa Valdres frå 28/10)

Frå venstre: Oberst Ståle Rudiløkken, Per Kristen Skaran og oberstløytnant Svend Roger Ovenstad.

Ordførarane i Valdres arrangerte Politisk beredskapsseminar i kinosalen på Fagernes med Valdres Forsvarsforening (VFF) som støttespelar.
VFF inviterte desse offiserane:

– Forsvarssjefen, som takka nei grunna full kalender
– Sjef Forsvarsstaben, som sendte oberst Ståle Rudiløkken (oppvaksen i Øystre Slidre)
– Sjef HV-05, oberstløytnant Svend Roger Ovenstad, som takka ja straks.

Noko skuffande oppmøte på dette arrangementet – ca 40 stk var tilstades i kinosalen.

28. oktober


Prima samarbeid mellom Saniteskvinnene og Forsvarsforeningen

Under eigenberedskapsveka inviterte Sanitetskvinnene i Bagn styreleiar i VFF til å stå på felles stand på Valdres-Tunet. Det var mange folk innom – og tendensen viste at fleire enn før hadde teke på alvor eigenberedskap for seg sjølve – og også for buskapen.

15. oktober
Presidenten i Norges Forsvarsforening (NFF), generalløytnant (p) Arne Bård Dalhaug hadde foredrag for ca 100 elevar ved Valdres vidaregåande skule.

På kvelden hadde han tilsvarande foredrag på Frivilligsentralen, Fagernes. Her var det gått invitasjon til medlemene i Valdres Forsvarsforening, representantar frå kommunene (politikarar og administrasjon), HV, Politiet, Sivilforsvaret, Sanitetskvinnene og andre organisasjonar.

Det vart delt ut tilsaman 12 NFF-caps/-isskraper som gåver til medlemene. Totalt var det snaue 40 stk som hadde møtt fram til dette interessante foredraget som streifa innom problemstillinga i Sør-Kina-havet, krigen i Midt-Østen, krigen som Russland fører mot Ukraina, utfordringane i Europa som følge av nytt lederskap i U.S.A., Nord-Atlanteren, det nye NATO-Norden og Norge.

Tema for begge foredraga var: «En verden i omveltning med undertittel En storpolitisk brytningstid relatert til Norden og Norge».

VÅRPROGRAM 2025 I VALDRES FORSVARSFORENING

7. , 8. , og 9. mai:

Bildet er frå uteamfiet på Øystre Slidre ungdomsskule 7. mai. Der var det samla over 100 elevar, som fekk høyre på ordføraren i Øystre Slidre og styreleiar i Valdres FF. Tidlegare på dagen hadde styreleiar i VFF foredrag ved Nord-Aurdal ungdomsskole saman med ordføraren i Nord-Aurdal. Der møtte det opp 180 elevar. 9. mai var det tilsvarande besøksrunder med respektive ordførarar ved Vang ungdomsskule (40 elevar) og til ungdomsskuletrinnet i Vestre Slidre (70 elevar).


Felles markering av 80 år med fred vart markert på fleire stader i Valdres 8. mai – her annonse frå lokalavisa.

3. april:

Årsmøte i Valdres FF: Innkalling til medlemmene vart utsendt på mail 18. mars, samt annonsering i lokalavisa same dag. Det var foredrag ved kaptein (P) Nils Tor Ødegaard, «8. mai 1945: Minner og refleksjoner».

5. mars:

Den 5. mars kunne Valdres Forsvarsforeining ynskje velkomen til BEREDSKAPSKVELD, der alle innbyggjarane fekk eit innhaldsrikt program med representantar frå Stortinget, statsforvaltaren, kommunane, Sivilforsvaret og Beredskapshagen. Møtet var særs vellukka, med over hundre deltakarar frå kommunane våre.

Møtet gjekk ikkje upåakta hen i media – både NRK og avisa Valdres har laga flotte reportasjar frå arrangementet:

Les avisartikkel i avisa Valdres her
Sjå NRK-innslaget her

Beredskapskveld ved Valdres vidaregåande skule i samarbeid med Nord-Aurdal kommune.

STED:Valdres vidaregåande skule, auditoriet
TID: 5. mars, frå kl. 18:00 til ca. kl. 21:00.

PROGRAM (Heile progammet kan lastast ned her)
Velkomen ved styreleiar i Valdres Forsvarsforening, Per Kristen Skaran
18:00-18:10 Appell ved stortingsrepresentant Marit Knutsdatter Strand & regionleiar i Valdres, Marit Hougsrud.
18:10-19:00 «Ei verd i omvelting – Endringar i amerikansk utanrikspolitikk og konsekvensar for Norge« ved president i Norges Forsvarsforening, Arne Bård Dalhaug.
19:00-19:30 «Totalberedskap og eigenberedskap» ved seniorrådgivar Simen Dølgaard, Statsforvaltaren i Innlandet.
19:30-19:45 Kaffepause og beinstrekk.
19:45-20:05 «Totalberedskap og eigenberedskap» held fram.
20:05-20:25 «Utvida beredskapsråd» ved stabsleiar Tor-Erik Hjelvik Lund og leiar i Valdres, Trond Vidar Solhaug, Sivilforsvaret.
20:25-20:50 «Beredskapshagen som del av eigenberedskap i Valdres» ved Anders Nordrum.
20:50-21:00 Informasjon og avslutning ved beredskapsleiar i Nord-Aurdal kommune, Ivar Svensson.

DELTAKARAR

Marit Knutsdatter Strand, med opphav i Øystre Slidre, representerer no Senterpartiet og Oppland på Stortinget i si andre periode. Ho er utdanna lektor i realfag frå NMBU på Ås og er nestleiar i utdannings- og forskingskomiteen på Stortinget i dag. I Senterpartiet har ho engasjert seg for beredskap, sjølvforsyning og forsvar i ulike verv gjennom 15 år. Biografi og meir informasjon finn du på stortinget.no.
Marit Hougsrud, ordførar i Sør-Aurdal kommune sidan 2019. Utdanna sivilagronom innan skogbruk ved Norges landbrukshøgskole på Ås. Ho har vore øvste leiar i krisestab gjennom fleire kriser som har råka kommunen, som pandemien, stormen i 2021 og flommen Hans.
Arne Bård Dalhaug er pensjonert generalløytnant og president i Norges Forsvarsforening. Han har mellom anna vore sjef for Avdeling for forsvarspolitikk og langtidsplanlegging i FD, sjef for Forsvarsstaben/NK i Forsvaret, samt representant for Norge i NATO og sjef for NATO Defense College i Roma. Frå 2016 til 2019 hadde han ei sentral leiarstilling i OSSE sitt observatørkorps i det russisk-okkuperte området i Aust-Ukraina. Dalhaug skriv fast for Dagens Næringsliv og Altinget, og er fast kommentator i Dagbladet.
Simen Dølgaard er seniorrådgivar ved eininga for samfunnstryggleik og beredskap hjå Statsforvaltaren i Innlandet. Dei siste åra har han hatt ansvar for analysar av den tryggingspolitiske situasjonen sine konsekvensar for Innlandet og arbeidet med å revitalisere totalforsvaret regionalt og lokalt som ei følgje av dette. Simen har ein mastergrad i samfunnstryggleik og beredskap frå UiT – Norges arktiske universitet, og har tidlegare jobba som kommunal beredskapskoordinator.
Tor-Erik Lund, sivilforsvarsinspektør og stabssjef i Oppland sivilforsvarsdistrikt.
Har 15 års teneste i ulike avdelingar i Hæren og har vore tilsett i Oppland sivilforsvarsdistrikt sidan 2016 – dei siste åra som stabssjef. Han har ansvaret for den daglege drifta av distriktsstaben, inkludert beredskap, vakt, øving, trening, hendingar og samvirke.
Trond Vidar Solhaug, leiar LIA 01 Valdres. Tenestepliktig i Sivilforsvaret sidan 2010.
Anders Nordrum, pensjonert gartnarlærar og i dag formidlar av kunnskap om Beredskapshagen. Utdanna gartnar og pedagog. Har jobba 22 år ved Gjennestad gartnarskule i Vestfold og til saman 15 år i Kriminalomsorga, der han nytta gartnarfaget som verktøy i møte med innsette.
Ivar Svensson, beredskapskoordinator i Nord-Aurdal kommune. Til dagleg varabrannsjef og avdelingsleiar for beredskapsavdelinga i Nord-Aurdal brannvesen sidan 2009. Har tidlegare jobba i Forsvaret og har bakgrunn som bilskadereparatør.

2025: Årsmøte i Valdres Forsvarsforening 3. april

Valdres forsvarsforening hadde årsmøtet 3. april 2025 på Vikatunet, Fagernes.

Styreleders tale til årsmøtet: Leder Per Kristen Skaran Takket alle frammøtte for utvist interesse. Leder orienterte kort om «Langtidsplan for forsvaret» og «Totalberedskapsmeldinga av januar 25». Begge meldingene er utarbeidet i samarbeid med NFF.

Beredskapskvelden 5. mars i samarbeid med Nord-Aurdal kommune ble en suksess med 130 deltakere. Tiltaket ble omtalt av NFF sentralt, og NRK Innlandet hadde en fin
reportasje, som for øvrig ble vist i opptak på møtet. VFF og Leder kan være stolte av dette vellykkede tiltaket, støttet av NFF sentralt.

Leder stilte spørsmål om VFF burde gå for en beredskapsdag sentralt for Valdres på Fagernes? Dette ble noe drøftet og møtet gav full oppslutning om forslaget!

Leder viste en oversikt over medlemsmassen som viste en økning på 55%, inkludert 5 av 6 ordførere i regionen!

Valgkomiteen ved Svein-Erik Sveen og Svein Jul Bjørgo la fram forslag til nytt styre:

Vedtak: Styret for VFF består kommende år av:
Leder: Per Kristen Skaran 1 år
Nestleder: Erik Onstad 1 år
Sekretær: Nils Tor Ødegaard 1 år
Kasserer: Svein Erik Lunde 2 år
Styremedlem: Kristian Bergsund 1 år
Tom Nybråten 1 år
Revisor: Knut Huset 2 år
Valgkomite: Svein Jul Bjørgo, Svein-Erik Sveen, Gunnar Skogen

Les intervju med styreleder i Valdres Forsvarsforening, Per Kristen Skaran og nestleder Erik Onstad her.